N ovis te cantabo chordis,
O novelletum quod ludis
In solitudine cordis.
Esto sertis implicata,
O f?mina delicata
Per quam solvuntur peccata
Sicut beneficum Lethe,
Hauriam oscula de te,
Qu? imbuta es magnete.
Quum vitiorum tempestas
Turbabat omnes semitas,
Apparuisti, Deitas,
Velut stella salutaris
In naufragiis amaris....
Suspendam cor tuis aris!
Piscina plena virtutis,
Fons ?tern? juventutis,
Labris vocem redde mutis!
Quod erat spurcum, cremasti;
Quod rudius, ex?quasti;
Quod debile, confirmasti!
In fame mea tabema,
In nocte mea lucerna,
Recte me semper gubema.
Adde nunc vires viribus,
Dulce balneum suavibus,
Unguentatum odoribus!
Meos circa lumbos mica,
O castitatis lorica,
Aqua tincta seraphica;
Patera gemmis corusca,
Panis salsus, mollis esca,
Divinum vinum, Francisca!