啯日文友講要聚會吃餐飯。
每次返鄉，文友一講揾隻飯局，我總係欣然赴約。
應該承認文學就係一隻烏托邦，一隻文學共同體。傾傾偈，聽聽各樣事，各種八卦，總係爽逗啯。
文友講，市宣傳部長要見一下，食餐飯。按我心意，部長同我無涉，又冇識文學，至好冇見，不過都知道，文友與部長同桌係件緊要事，展示業績申請經費，種種，仲有好多旮旯事，見主管都係好機會。
阿媽又積極：“去喂去喂。”佢密密鼓動。又講，啯隻宣傳部長係女啯，周時出電視嘅。渠沐浴更衣洗頭，一並前往。
到了一隻中式格局酒店，圓門、兩邊木隔窗、黑底金字匾額。酒店廳堂，一派紅色。隻見齊眉燈籠五隻一串，串串打頂棚吊落，張張凳一律紅色椅套。包廂名叫振興廳。我見了就講：“不如叫水浸社、火燒橋、東門口、豆腐社、沙街，本地街名至好。”文友講：“我哋啯話，冇人聽啯，電視講就聽。”
次次文友聚會，前輩田老師總要宣布佢啯研究成果。
主題係：圭寧話係唐朝時正正長安話。次次渠都要舉李白詩為例，李太白講“青天明月來幾時”“舉頭望明月”，圭寧人也一樣講“幾時”，講“望”，望住前頭、無好四周望、望乜嘢。都是講望，冇講看的。李太白講，“人生得意須盡歡，莫使金樽空對月”，阿隻“樽”字，圭寧都係講，買一樽豉油返屋企、飲番樽啤酒先，普通話都係說瓶不說樽的。
上一次聚會，他補了杜詩作例。杜甫講呢，“肯與鄰翁相對飲，隔籬呼取盡餘杯”的“隔籬”，圭寧一直都使的，住在你隔籬、隔籬鄰舍、搬過隔籬屋。標準普通話的“隔壁”“鄰居”，我哋口語從來冇有的。蘇軾，也次次要講到。因蘇學士來過，就在沙街上岸，停了一夜，故本地文人時時刻刻總要來幾句蘇東坡。蘇東坡講呢，“寧可食無肉，不可居無竹，無肉令人瘦，無竹令人俗，人瘦尚可肥，士俗不可醫”。“食”字、“肥”字，亦係圭寧話的，食嘢、好好食、肥仔、肥佬、肥騰騰。普通話講胖，我哋圭寧從來冇講胖字的。一路講到李煜，“問君能有幾多愁？恰似一江春水向東流”的“幾多”，幾多錢、幾多隻，冇講多少的。
阿次渠興致高，一直遠溯至《古詩十九首》，“行行重行行，與君生別離”，阿隻“行”字，我哋日日都講的。行路、行街、行出去，“走”字呢，我哋也使，不過無係指走路，而係跑。
盡了興，渠仲要總結：阿個普通話，五百年前，北方蒙滿胡語雜交變種流傳，無論詞匯句式，比起廣東話來單薄粗疏多了。有次渠多飲了兩啖，講，蒙古滅南宋建元朝。所謂“崖山之後，再無中國”，田老師講得眼裏有水光。舉座靜穆。
田老師身體好哋哋，人人以為渠有壽，不料年初一場感冒人就冇了。
一介書生，渠啯粵語重要論冇幾個人認。都講本地話難聽，土得不能再土，細佬仔在屋企同父母亦講標準語，公共場合、酒店商場一概講北方普通話。除了大排檔，除了在地上擺菜擔的，少聞本地音了。
六七十、七八十的老婆婄，見麵搭話，講完幾句，就說，Bye-bye了喔。而往時，告別時講：“明朝早見蛤。”我同阿媽大人打電話，講完了，阿媽亦係講上一句：“Bye-bye了喔。”是英語加土話尾語。
來了一大台人，有研究本地民居啯文友、做電商啯文友（所謂圭寧啯馬雲）、可以飲七斤酒啯文友。台麵有龍眼枇杷等生果，有鹹卷、上裏米助、芥菜包、本地生榨粉。一個散文女作者，開旅遊公司，雖係分部，大到出境遊亦都可以做。就講旅行啯事，現時政府行為係噉樣：去百色、柳州旅遊，一個人自費199元，**兩日，食係食自己啯，住呢，政府幫補酒店，準三星酒店喔，住一晚。若然係自己去，連車費都冇夠。佢哋時陣來圭寧拉客。大家就講，我哋荔枝咁多，都可以搞啯。文友甲講，本地荔枝得30%優化，阿年去南京讀作家班，望見荔枝30文一斤大受驚嚇，諗到自己鄉下啯荔枝，一毫紙一斤都冇人要。
“今時寫詩啯都係歆種人呢？”我問。
文友紛紛道：“歆種人都有，做乜嘢都有，放高利貸啯都有。”
“高利貸”啯隻詞，我著實嚇了一嚇。講：“高利貸，真係嚇死人啯喔，利滾利逼人賣兒賣女啯種人都寫得詩咩？”文友平和應道：“就係搞小額貸款囉，俗稱高利貸。渠今日冇來著，人哋一邊放高利貸一邊寫詩。”
大家鄭重道：“係啊係啊，既真誠地放高利貸，又真誠寫詩。”聽起來，高利貸和寫詩竟是兩不相礙的。
宣傳部長還冇來，講要遲一啲，啯陣時正在河邊指揮。
我就諗起剛才路邊碰到阿隻顛佬，講，啯隻幾爽逗啯，冇當接住講。於是就講顛佬，我使手機錄音。
故事就開始了，關於“顛佬”——
文友甲：眼下爭創全國衛生城市（圭寧向來上進，已成功爭到國家級園林城市），至怕有顛佬屙屎屙尿隨地大小便。上級一來檢查就怕呼聲間出隻顛佬，有日我在圭江橋頭值班，啯片係文聯責任區，前一日有人在碼頭屙尿，馬上檢查組就來了，使了十幾桶水衝冇淨，後尾灑了一瓶花露水才蓋住尿氣。每晚夜十二點都有隻顛佬屙屎，就在沙街碼頭，阿日有專人盯住，不準他落去。宣傳部啯幫人、文聯啯幫人守緊啯隻碼頭，政協阿幫人守另外一隻路口。夜夜十二點，阿隻顛佬準時去阿哋埋地雷（大便），結果就阿晚夜渠冇來埋地雷，白白守了大半夜。
人人都有責任區啯，同日我仲碰到隻顛佬，一條棍擔兩隻蛇皮袋，一搖一擺，就上橋行，屌兮兮對準我。我以為係路人，就問，你要做咩嘢？渠笑笑，講我就係睇睇，睇睇。我懷疑渠不正常。一句話冇問齊，渠手一拋，蛇皮袋就拋入江了，仲未反應過來，就望見江麵漂了垃圾。我就趕緊打電話俾水利局局長，喊快點派水麵打撈船出江麵打撈垃圾。後尾來了兩隻拿麻繩和鐵鉤啯人，水運公司啯，一個拿著鉤子落到水麵，一個牽繩在橋上。啯隻顛佬可能惡作劇，見你掃垃圾搞衛生城市我來搗一下亂，整點垃圾俾你。後來渠笑嘻嘻跑掉了。
文友乙：一般講呢，縣裏有上級來檢查，就拉本地顛佬去隔籬縣放幾日，大家都理解啯，人哋縣有人來檢查，無係照樣拉顛佬來我哋縣。公安政法就開會研究囉，我哋大概準渠哋拉幾多人啊，同隔籬縣蠻熟的，講，那就拉幾多幾多隻，買幾隻人頭，渠哋要俾銀紙啯，就等鄰縣拉幾個顛佬過來。每隻縣都有風頭啦，係冇（對吧）。有時徑突然間湧現好多顛佬，其實呢，就係阿邊拉過來啯，這麽遠，真的就拉來了。拉來係幾麻煩啯，要俾吃啯啊，冇有，俾個方便麵俾個水就喊渠哋下來了，渠哋就一路行，行到城區，還有**啯一絲不掛。
文友丙：一望見顛佬突然多起來，肯定就係外地拉過來啯，突然滿街都是，一下子十幾個。我哋冇得把人哋整丟了，我哋也要拉去人哋阿邊。我哋要好好對待顛佬，要俾渠哋一瓶水，要善待，仲要俾衣服渠先，要同渠哋講（也冇係全部顛佬啦，大多係流浪漢），就講，啯一陣你哋先離開先，過幾日再慢慢行返回，我哋啯陣時要有活動。至頭疼了啯隻事情，要花銀錢才送得渠哋過去，仲要畀飯渠吃，銀紙打歆哋出囉……
文友甲：今時都冇拉顛佬去別處了，我哋改造顛佬，俾渠哋吃，俾渠哋做，引導渠哋，俾衣服渠哋穿，免得太冇體麵。阿陣時搞南珠杯，考驗各隻縣管理能力，顛佬影響市容。阿邊亦幾多啯，到處都有顛佬，碰到上級領導來檢查，大家都冇辦法。
故事，藍氏女——
六點半了，部長仲未到，傳來話，阿邊仲未齊，可能要到七點，大家先吃。大家講再等等也無妨，反正總係傾偈。
於是故事又開始了，有關一個女性——
啯個女啯，大家都講她足夠三八。三八，北京講就是有點二，有點二百五。藍氏女，體校老師。平日住在體育場宿舍，全樓就係渠一人。有次開常委會要衝入去，我就推渠，一推，渠馬上脫大褲，嚇得大家趕緊擰頭。我在鄉政府時徑，有隻顛佬也常時來，我捶了渠一餐，再也冇敢來了。
啯個藍氏女，賴詩人前兩年寫了篇散文《醜女》，登上市裏報紙，渠睇見就大吵大鬧。拿一張自己十八歲啯照片到處俾人睇，照片上呢，渠叉腰企在西門口。渠見了人就逼人睇，舉到人麵前，問：你睇睇你睇睇，我歆哋醜歆地哋！上頭一望不成體統，令賴詩人寫檢討，寫了兩鋪渠都通冇過，年三十晚，渠氣鼓鼓衝入賴詩人屋企，賴詩人正在砧板上斬雞，嚇得斬了半隻雞俾渠。今時安置到廉租房了，按理講，她啯條件冇夠住廉租房啯。
文友丁：她至計較就係賴詩人寫她係處女，她認為係汙辱，逢人就要講清楚：渠冇係處女，結婚結了一隻月，同她男人睡過了，係睡過了才離婚啯。有次渠又去政府鬧，找了個男幹部來處理，係原來體校的，力氣幾大，一把抱起就出門口，男幹部想犏（扔）她落大街，發現怎樣軟塌塌，像攤泥，扔都扔冇落。
故事，賴詩人——
講到賴詩人，大家就望佢，講：賴詩人現時發達了，做了三間幼兒園。佢連連擺手，講，有兩家係同人搿份啯，不過自己阿家，亦都有百十隻細佬仔。收幾多銀紙呢？我問，佢老實答道，每學期收2700文，飯費在內啯，在全市算中下。文友乙講，連白馬啯幼兒園每期都收3500文，最貴啯收萬文，有英文班啯。
我就問座中教育局文友，答講圭寧有兩三百間幼兒園，城區係二百家左右。嚇，咁多，真係嚇人，無衷係家家生三胎咩。文友講：就係喔，火燒橋附近就有十家，你去睇睇就知。
靜場分把鍾，各自飲了啖茶，就有人起頭，講起了往時賴詩人參軍啯故事。
嚇，渠體重不夠的，98斤，差兩斤，稱體重啯護士喊渠去吃點嘢。渠就出去吃了兩碗米粉，返回一稱，99斤5兩，又去吃了兩大海碗粥，再稱，稱砣還是有點下墜，護士講：算了，過關了。
有人插話：冇係，係在褲襠吊了隻秤砣，體重就夠了。
又講渠在柳州當武警陣時，同廣西老鄉私下講，每次都係表揚湖南兵，我哋一次冇得表揚，怎辦囉？就想出了辦法。指導員上廁所，時間基本固定，兩人就每日睇準時間去衝廁所，連衝三日，於是得表揚。仲有呢，賴詩人調到夥房采購，采購豬肉，連長老婆來了，喊小賴小賴，渠就割一塊肉俾連長老婆。結果指導員老婆望見了，也來夥房，小賴就也俾她割一塊豬肉，割得多過頭先連長老婆啯。
大家笑：幾正常啯，幾正常啯。
笑住又有人諗起，仲有英雄救美啯故事在。大家慫恿，等渠自己講、等渠自己講。
賴詩人就講起來：啯趟事還上了《廣西日報》呢，1991年1月21日的《廣西日報》，頭版，有三百幾字，叫《紅水河的浪花》。我阿日去沙塘，路上碰到五六隻後生仔調戲一隻十幾歲姑娘妹，本來不想管，姑娘妹忽然跪下了，我抓起姑娘妹就上了一架三輪車，後生仔使刀一劃，大腿劃傷了，當時不覺得痛。姑娘妹係林業學校啯，我送渠直送到林校，到了才發現褲腿濕了，滿腿血，去校醫處包紮才返隊。結果遲到，著批評。過幾日，《廣西日報》出來，大概是學校報道組寫啯，就獲得支隊嘉獎。腿上啯傷痕現時還有，立了三等功啯。文友乙講，三等功幾犀利啯，我大哥在部隊，差點命都丟了正立得隻二等功。
故事，文友乙——
啯時徑冷菜上了台，兩大碟炒花生。眾人吃著花生米，文友乙講起自己啯故事：先前啯事，都係幾爽逗啯。
文友甲亦講自己故事，啱啱開口，宣傳部長就到了。
一位女士，紅衣紅裙翩然而至。女部長講，現時創全國衛生城市，就一連串講創衛創衛，**充沛雙目放光。“啱啱，就喺半個鍾之前，去現場睇拆遷。”佢又講，“啯一日，先係剪彩，又聽匯報又檢查工作又到現場睇拆遷，做到不可開交，冇分鍾係停閑嘅。”佢同大家飲了一杯，又食幾啖菜，再企起身敬大家一杯，然後講司機在下麵等住，就撤了。
眾人麵麵相覷。
片刻，紛紛講，領導冇在至放鬆，大家放開吃。
阿媽跟去睇印塘大橋，又跟來餐館食飯。部長請飯，極有麵子喔，去時沐浴更衣，食時儀態凝莊。她不插話，隻注意聽，吃相從容。菜有一大台，蒸魚、燒鵝、白斬雞，燒豬肉、牛肉粒，炸蝦同煎蝦肉，魷魚、瓤豆腐、瓤苦瓜。有一款綠茵洋鴨湯，綠茵豆腐，放了綠茵汁做成的豆腐，鮮嫩，外麵炸了一層。渠每樣都搛了一筷子。
飯局剩好多菜，大家打了幾隻大包通通俾阿媽帶回屋企。
有十幾樣菜帶回屋，阿墩一見就湊上去，樣樣聞了一遍。
啯啲複雜做法，又煎又炸又蒸又燒嘅魚，燒豬肉、牛肉粒、雞鴨，炸嘅蝦同煎嘅蝦肉，魷魚，瓤豆腐、瓤苦瓜，等等，綠茵洋鴨湯，綠茵豆腐也帶返回了，苦瓜炒牛肉、蕹菜、清蒸草魚、紅燒草魚……主食也都打包返，粉絲饅頭餅，上裏米助……阿墩連連講佢都未見過啲餸飯菜啯喔。微波爐一樣一樣叮一下，熱好擺上台，四個人，每人攞一隻碗，一台菜鋪上，差無多十點了，算係宵夜。熱氣騰騰啯嘢，互相畀對方夾餸，阿媽抄來抄去，好啯夾畀阿墩，一路連連喊海寶玉葵，你哋食嚇食吖。平時吃啯嘢簡單，有新嘢食，人人開心。
吃過宵夜，玉葵熏蚊，講阿媽間房蚊最多，因為佢汙糟嘢太多，主要係廁所，使過啯所有廢水都要存起，一桶又一桶。玉葵講佢一般係洗衫時最後一次水留住。
阿媽大人冇單止省水，亦慳電。在廚房煮飯，屋廳燈就要關肅。