小五吃過隔夜剩飯煮啯飯粥，手腕拴著文況表叔啯長頸燒酒瓶就出門，自從渠知有各種旮啯空罅通道，就再冇願行大街……一隻生猛野狸在雜亂筢邋啯屋間走走行行，兩牆間窄處，僅一肘寬，除貓狗無人能過，小五側身細步，半邊身掛滿了層層蜘蛛絲網蛯?膜……渠跳上牆頭行幾步，打木器店前門入後門鑽出，再攀上一樖大人麵果樹，打長長樹臂行幾步，跨過一戶門扇緊閉啯人家，渠向地上一跳，啱啱好就係公園路，正對住一幢窄窄兩層樓高白色屋。啯幢屋係全圭寧街至古怪，二樓頂孭隻等邊三角形，大門低過街麵，有隻推籠門，從未見開過，二樓麵街有隻木扇窗，有時徑開住，裏頭黑麻麻……過了幾年小五世饒聞講，啯所古怪屋係天主教堂。
總而言之，打修車鋪到公園路，至多無係兩三分鍾，街道空曠，兩頭無人，隻有一隻豬在樹底拱……渠一溜煙竄過街沿台階兩邊斜坡滑落去，獁狫般，輕盈躍上阿樖至鍾意啯雞蛋花樹。啯兩杈舒適樹杈畀佢揼到滑捋捋，可以稱之為包漿，不過包漿已著時代淘汰，要再過三四十年正又聞講。
自己揼到滑捋捋樹杈就見好親，渠擼住樹杈講：你隻契弟！此時大豬正行在去小學條路……要望見賴大豬，無係要打雞蛋花樹跳到萬壽果樹咩？又打萬壽果樹跳到大榕樹，再跳到一樖馬尾鬆，渠又揪住馬尾鬆長枝條**到啯片樹木中至高阿樖玉蘭樹，啯兩樖玉蘭樹粗大高壯，就樹本身來講，雖然冇夠河邊阿樖木棉樹高，但係生在隻稍高啯台地，樹旁邊阿幢氣派屋同高處涼亭的簷都隻到渠半腰，旁邊係圭寧最大啯八角井……
旭日初升，陽光斜照，水井像鏡照見樹葉在水麵鬱，小五打樹梢上引頸遠眺——賴大豬斜挎一隻藍布書包，書包癟癟，裏麵冇超過兩本書，渠行住路，去龍橋小學。打西門口到東門口，行過阿家儂公書攤同雜貨鋪，偏離了正常線路右拐入了沙街口，無衷渠要逃學咩？
賴大豬光腳丫踩在沙上嘎吱嘎吱響，打沙街跳上矮樹轉到高槐樹再轉到農業局啯木棉樹頂……小五要望清楚大豬新去向，就打從涼亭玉蘭樹**到了農業局，渠望見賴大豬打沙街碼頭轉左，沿河邊行過了阿條獨石橋，紅色條石歪歪斜斜架在橋墩上，賴大豬側斜行，過了獨石橋，再沿尤加利樹下底河岸一直行，無衷渠無係去上學而係要下河撈河蚌咩？小五迎河流東頭一直行，左邊係菜地，豬乸菜芥菜茁綠昂揚，右邊係北流河，河水有粒枯，露出大片沙灘。還好，賴大豬在一棵龍眼樹旁邊啯菜地間回到龍橋街青石板路，渠同讀書儂行入龍橋小學大門口……
為了望真賴大豬在學校歆樣子，小五沿農業局木棉樹到達沙街碼頭，碼頭係空曠地，冇樖樹，一樖都冇有。小五落地行一段，岸邊正有一排尤加利樹……渠在尤加利枝上移動，聽聞一陣音樂聲傳出，一個男人喊：第一節，擴胸運動，現在開始，一二三四……渠從未聽聞過啯新鮮名堂，渠**一條枝條，盡力跳到龍眼樹上高，之後行過幾家人家啯房頂到達小學牆外一樖大芒果樹。啯時徑操場已經空落來，小五聽聞一隻教室有幫細儂扯住喉嚨喊：開——學——了——一個女教師圓潤啯聲音講：“今天我們上第一課，這一課就是《開學了》。”
小五極少諗到自己阿媽，時常諗到執菊。
小五隻知執菊係細時奶媽兼保姆，並不知渠亦係自己老豆的相好。三少爺羅祈宣同竇文況談論執菊，騷、嗲、濕、滑、緊……一類字眼，講她一身魚腥氣，講得兩個人火燒火燎。
1947年執菊十九歲，頭胎生了隻女，臍帶纏頸，死了，親戚引薦，去羅宅當奶媽。她同小五感情親密，在三少奶還活著的數年裏，執菊就取代了她的位置。1949年11月28日，農曆十月初九，冬雷震震，縣城傳來彈藥爆炸的聲音，執菊披衣起床，她穿過長廊站到花園的假山旁，望見縣城火光衝天濃煙滾滾，像係著了大火燭。天燒著了，燒出一隻黑洞，炸藥聲連綿不斷。第二日消息傳來，二十七個解放軍進城解放了圭寧，國軍的殘部銷毀了二十多台彈藥車之後撤到玉林去了。村裏不久到處貼了紅色標語，農會的人行來行去，興奮。羅家大宅死一般寂靜。
時代車輪滾滾，小五照樣在菊姆懷裏拚命吮**。三少羅祈宣遠走梧州已經半年，執菊空****的身體隻有小五能撫慰，1950年小五三歲，她仍然喂他奶吃……早時三少曾帶她去廣州、梧州**過，圭寧城的臨江旅社去得至多……三少除了每晚夜撫弄她**並飽啜其乳汁，還要加睡一個比平日更長的晏晝覺，以便再次撫弄和啜飲。據講，這樣防止回奶同生奶瘡……在羅家大宅，執菊出落得水汪汪的豐饒，腰臀扭動，胸前顫顫。三少羅祈宣私下裏對老朋友竇文況講，呢個女人係隻尤物，男人係至受用既嘞……三少不在的夜晚，通過曲折的途徑，執菊得到了滿足……小五吃飽了奶，瞪大眼望，這扭動和含糊的聲氣令他迷惑……他的眼神有點像三少呢，她忍不住撥一下他的小雞雞，嘴裏喃喃：你啯隻鹹濕佬、鹹濕仔、鹹濕精。
送小五去竇家之後，執菊來過一兩次探他。六月，荔枝熟，她穿了件剪掉下半截的旗袍，上半身脹鼓鼓的。她搭了一輛從容縣運雞蛋到玉林的汽車。“冇諗到一眨手渠真就停了”……司機喜歡活潑的女人，在路上，他撩她講話，一邊講一邊瞥她的胸口。她也是興奮的，臉紅著，兩人你一句我一句，有點濕乎乎的。可惜三十裏路很快就到了，在東門口旁邊的公路下車時，兩人像一對老相好似的依依不舍。
她帶來了一大筐新執的荔枝，一種叫做細葉荔的品種，細細隻，薄皮，厚而多汁半透明的肉裏藏一粒細細果核，像粒黃豆大，溜圓光滑在脷田（舌頭）裏滾動，果肉極鮮美。
荔枝季節亦係狗肉季，幾十年後，在小五六十幾歲時徑，為旅遊資源計，這個季節設了“狗肉節”，紅火複又臭名昭著，動物保護者四方趕來，高速公路攔截汽車，待下鍋的犬隻得以救出……1953年，夏至時分，圭寧人人興奮，荔枝與狗肉，上天絕配……街上也有人養狗，養狗是指望狗的本分，讓它吃屎和看家。細儂蹲在門口屙屎，狗就候在旁邊忠於職守，細儂屙出一嚿，狗就吃一嚿，有時屙完屎一望，狗不見來吃，主人隻好叫它，咧——咧咧咧，總而言之，狗見到屎要吃掉，天經地義。
狗啯肉讓人吃，也是天經地義……就像魚啯肉、豬啯肉、雞啯肉，不準人吃要渠來做咩？剁成塊，連皮帶骨，放上蔥薑桂皮八角，在鐵鍋裏滾……執菊來到竇文況屋企，鍋裏狗肉正冒起陣陣香氣，這個上唇有一粒痣的女人，又一次驗證了嘴上有痣吃四方的說法。
她熱氣騰騰在這個單身漢的屋裏行來行去。
在煮狗肉啯肉味和新鮮荔枝果香啯混雜中，執菊聞到一股尿騷，她鼻孔動了兩下，眼睛落到小五睡覺阿張木板床，新買啯草席有一塊尿痕像公雞，這隻扁平的“公雞”牢牢地趴在床單上，它講：又瀨尿了，又瀨床了。
雞公的話隻有執菊聽得聞。
執菊撤開草席，使幾勺水反複刷洗尿漬，她笑小五：你啯隻嫩公雞啊！
她晾草席在門口竹竿，同時晾的仲有小五啯枕巾。到入暗，八成幹的草席上又出現了阿塊公雞形尿痕……草席濕時它泯然其中，草席半幹它就開始顯形，它色深、頑固、堅硬。天涼後換上床單，公雞的形狀會移到床單上。即使用肥皂、草灰水浸泡漂洗也不能褪掉。
這片尿痕變成的公雞成為床單的一部分，一個永恒的形狀。而夏天撤下來的草席到第二年也不能用了，不知在什麽時候，那塊公雞形的尿痕就會從草席的中間脫落，席子脫落的部分非常完整，誰都能一眼認出空白處的雞冠和翹起的尾羽……
一隻“公雞”就這樣從尿痕中誕生，它跳落在床底的陰影裏消失不見。
執菊強調，尿床係腎虛，狗肉就係補腎的……
一鍋狗肉本來夠吃兩三日，結果一餐就吃淨了，執菊吃掉了這鍋狗肉的一半。她食量大，照她講，係在羅家大宅養出的胃口，那時徑，為了足夠多的奶汁，她一頓就要吃淨一隻雞……夜裏執菊和小五兩人同睡一床，兩人都像一團火，她一摟小五，空氣中就發出吱的一聲，一陣輕煙從蚊帳網眼裏四處逃逸，不用說，這是兩隻燒紅的煤球觸碰時的正常現象。
竇文況給這頂蚊帳塞入一把葵扇，葵扇扇出的風從他倆的蚊帳躥到文況的蚊帳裏，就像從火灶肚吹來的風。文況講，誰人（誰人，玉林話，文況是玉林人）喊你吃噉多狗肉，知犀利了吧！執菊輾轉來去，呼聲間坐起：“熱死了，張床都熱得焫。”她猛然脫掉內衣……
八月剛剛落過雨，執菊又來了。她提來一隻藤籃，裏中使芭蕉葉包了一隻豬腳、十隻雞蛋，另有一細包龍眼幹。她仲掏出了一條肥皂，係運貨司機俾渠啯禮物……她在十字鋪等到了運貨的大卡車，笑得像一朵花似的上了卡車的車頭位。司機愉快著瞟她的胸，她就盡量挺著，在平直的地段，側身靠著旁邊的肩膀，車子心神迷**地走起了小小的S形……在一個路口車子忍不住停在了路邊，那人探手入衫，執菊一邊呻吟一邊堅守，她堅持隻開放身子的上半截，那人想把手插進她的褲襠裏，被她死死摁住了……執菊最知道，讓男人迷上就必須讓他想吃又吃不著。她特別鍾意男人饞她的樣子，阿副抓耳撓腮心急火燎的饞相令她尤其開心。
執菊給小五和文況做艽頭炆豬腳，夜裏和文況滾在**，朝早起身容光煥發，她幫小五整理床鋪，一睇，又瀨尿了。一隻公雞的形狀在床單上正對著執菊，樣子曖昧，執菊猛然間想起小五的嬰兒時代的那些場麵：他吸吮她的**，吃飽後她就逗弄他的小雞雞。你這狗bie，爛bie。她罵了自己一句。
她堅信小五瀨尿與自己早年的下流勾當有關係，歆得好囉？她問自己，問床，問床單上阿隻公雞……她咒罵自己，真切的罵聲滾過她的胸口和下身，一隻天真而愚蠢的藥方誕生了——
北流河的河水在雨後變肥了，淹沒了水邊的大青石板，執菊帶小五行到河邊一處灌木叢……她剝開一隻龍眼幹，摁龍眼肉入小五的嘴：“閉上眼先，菊姆摸摸你啯細肚褓……”她順著軟乎乎的肚子向下探，熟門熟路……
九月小五也上小學一年級了。天還熱，無使穿鞋……一雙光腳打修車鋪出發，與豬紅鋪的另一雙光腳會合，兩雙光腳以獁狫般的輕盈躍上一樖雞蛋花樹，然後再跳到最近的萬壽果樹上，從萬壽果樹到大榕樹，到一樖馬尾鬆，他們揪著馬尾鬆長長的枝條**到最高的玉蘭樹，之後他們就跳落地，繞過八角井行到了河邊。
兩人要過一條獨石橋，紅色條石歪歪斜斜架在橋墩上，兩雙光腳側斜行，小五羅世饒和大豬賴勝雄，他們行過了獨石橋。沿尤加利樹下的河岸行一段，見一樖龍眼樹就拐入菜地，地壟狹窄，肥訥訥豬乸菜葉打濕褲腿，然後，龍橋小學到了……這就是他們舍近求遠，在樹間、屋頂、水井、河邊、菜地間跳**的路徑……而一個正常本分的細儂，決不會選擇這樣一條雜蕪的道路。顯而易見，所有孩子都會從西門口到東門口再到龍橋街，行正正經經的路。
一年級的第一課：開學了。三隻字，三隻音，齊聲朗讀：開、學、了。寫在本子上：開開開、學學學、了了了。
第二課：大家來上學。五隻字，五隻音，齊聲朗讀：大、家、來、上、學。寫在本子上：大大大、家家家……
第三課：學校裏同學很多。七隻字，七隻音，齊聲朗讀：學、校、裏、同、學、很、多。寫在本子上：學學學學、校校校……
我坐在一年級教室裏，手同腳吱吱喳喳講，渠哋想上樹，打後門出有芒果樹，有十幾樖，打樹梢行之字形，從第一樖到最後一樖係件爽逗事。如果不行後門，打前門出，教師食堂前頭阿樖葉濃枝繁，雖隻係孤獨一樖，但係，坐上啯隻樹杈，就睇得見坐在三年級教室裏的大豬賴勝雄……他一定係趴在書桌上，流著涎水，如果不是，就係扯前麵阿個女生的頭辮尾……我的耳朵異常靈敏，坐在教室裏，聽得聞隔籬教室朗讀聲。
九月裏，秋風涼，棉花白，稻子黃，收了棉花收了稻，家家地裏放牛羊。（第三冊）
劈劈拍，劈劈拍，大家來打麥，麥子長，麥子多，磨麵做饃饃，饃饃甜，饃饃香，從前地主吃，現在自己嚐。感謝毛主席，感謝共產黨。（四年級）
有隻教室奇怪地傳出了雞叫聲，這隻雞的聲音又尖又顫。
係五年級女老師發出的。我聽了又聽，明白係一篇叫做《半夜雞叫》啯課文，講一個叫做周扒皮啯地主，為了喊長工早起下地幹活，半夜起身學雞叫。我先係覺得爽逗，跟手我諗起我老豆同阿婆……
……我理所當然睇到啯比人多，我在高處……
隻要留在樹上，或者瓦背頂，你睇到啯就一定多過人。樖大人麵果樹啯樹葉在秋天閃閃發亮，如果你冇見過人麵果，就想象下荔枝先，人麵果，大過龍眼細過荔枝，如果係最細啯青皮荔枝，人麵果啯大小形狀就差無多，不過它冇有荔枝阿層粗糙皮，同李子一樣，皮同肉連一處，人麵子絕不甜，比世界上任何水果都酸，所以它不是水果，而是一種菜……秋天時徑，樹上結滿人麵果，不要等它變黃，變黃肉就泄掉了。使竹篙打樹葉，將果子打落，夠無到就搬竹梯，人麵果不怕跌，堅得似石頭……落到廚房，厚刀猛一拍，拍扁，擺入碗放在豆豉上，加油渣至好，擺飯麵上蒸，飯一好，就好嘞。就係啯一味，晚晚蒸一次，三餐都要吃。
有次我在人麵果樹杈透過屋頂亮瓦望見一個女人湊在光窗跟前。
佢手裏攞住一遝紙片，一張張翻住睇，佢間房好窄，人麵樹擋住光，幾黑啯。門口有空地，風爐偏要擺在屋企頭……我不免擔心煙要熏到佢，果然我就聞有咳嗽聲……我攀住最長一杈樹杈到佢瓦背頂，打一片亮瓦睇落去，無衷佢手裏阿遝紙片係特別靚嘢咩？我在佢頭頂上，似孫悟空，眼聚起一束光，直打到佢手上啯遝紙片，一反光，閃出一個光身女人，我頭殼後尾枕“嗡”一陣。
第二日，我諗緊阿啲相，又打人麵子樹跳落佢瓦背頂，阿片亮瓦著我使涎水加樹葉擦到擸擸亮，我見佢打床下底拖出半籃碎木炭，木炭冇一絲煙，在風爐裏紅紅啲，風爐上坐隻細銻鍋，佢關緊門，坐在靠窗床沿……有幾日我見到佢粘信封，有幾日我見到佢粘紙盒，啯啲紙盒同牛皮紙堆在小櫃隔籬，越堆越高，歪歪斜斜，我擔心佢哋隨時著跌倒。當搖搖欲墜時，就會有一個更老啯婦娘來收走。
我不明白一個女人做咩要睇女人啯光體照片……將近五十年之後我知道有一種人叫做同性戀，但她顯然無係。渠亦睇一個男人啯照片，阿個人西裝領帶頭發油光光。
啯隻女人好睇得多過菊姆，雖然佢屎忽同菊姆一樣大，但佢腰又細又軟，而且麵好白，眼又大又黑……我斷定相片啯女人就係佢本人，係以前啯佢，除頭發冇像……佢後生啯陣時額頭上一排齊整劉海……有日晏晝落細雨，噉啯天氣隻有狗才出屋，我披番蓑衣像隻刺蝟出了門，文況表叔攤在躺椅上睇瓦背頂上啯瓦，我知佢諗白寡婦，本來打算同佢講，我要去東門口書攤睇公仔書，睇佢眼定定我就不打擾了。
我在巷口一閃就撩上樹，樹葉積啯雨統統掃到我身上，蓑衣唰唰響……我沿住人麵果樹來到阿片瓦背頂。屋裏果然一片昏暗，我將麵貼到亮瓦上辛苦張望，這時有光一閃，我一望，係鏡閃光，我一望，吃一大驚嚇，佢窗了件閃閃旗袍，綠綢上更綠啯花，綢緞軟笪笪貼在佢身上，佢挺住奶坨使一把梳頭鏡佢身形，照完奶波嚿又照佢腰，佢仲將佢大屎忽撅起身。
這種旗袍我母親亦有，啯陣時我在瓦頂，我母親梁遠美正躲在廣州的親戚屋企，對外講係老家啯保姆，來幫帶細儂。仲要再過半年，她才渡得過阿片海水到達香港，浪濤洶湧。這一切，我三十年後才知道。
雨落大了。
旗袍婦娘去門後麵拉拉門栓，又望望光窗外底，外麵係一樖枇杷樹，葉大樹杈細，相當於一幅窗簾。佢脫掉木屐，連旗袍向**一倒。
阿時徑我視力超凡，騎在一樖葉大樹杈多啯枇杷樹上，透過雨水淋濕啯亮瓦，睇見阿張**照片，阿上頭冇係別人，正係佢自己，雖然佢老了十歲，我都一眼就認出佢。佢下巴有粒痣。
白寡婦巷裏有樖大桑樹，渠屋企大，一簸簸蠶擺在地上。無知係有桑樹才養蠶，或係因祖輩養蠶才種了桑樹。總而言之，渠啯桑樹葉幾肥啯，執都執無盡，渠啯桑蠶源源不斷。細細、皺皺、青青，吃了桑葉就屙出屎。然後變白，變透亮，肥肥飽飽，吐出絲，結成繭……我吃過白寡婦送來啯油煎蠶蛹，又香又脆吃得我滿嘴流油……
言歸正傳，次次表叔執隻布袋出門口，我就知佢八成要去揾白寡婦。佢將布袋纏在手上捉住，袋底鼓出，發出油香，係芥菜包啯形狀，即使包了一層大蕉葉佢啯油氣都可以滲出。有時係花生米，有時係番瓜子，有一次係煎魚。表叔前一晚煎好魚總記得畀我兩條，手指頭大細，我每條分三口吃淨，係我兩歲以後食到啯人間至味。到晚黑，趁佢睡著，我揾到掛在屋梁上啯掛籃，夜深人靜啯睡氣中，煎魚香味更加活躍，開始在房梁上**秋千，整得我一邊打恰浪一邊流口水。
終究無計可施。
表叔出門轉右，再轉左。無使盯梢我也知渠去歆哋……煎魚啯香氣驚心動魄，它繚繞到阿樖大桑樹底，桑葉聞到煎魚的香氣亦發出沙沙響，講實在的，係我啯肚發出啯沙沙聲……我尾隨香氣飛奔到桑樹條巷，快快攀上樹……表叔打布袋翻出一嚿芭蕉葉包住啲嘢，他解開芭蕉葉，煎魚的香味熱烈地衝破亮瓦像蚊蠓一樣亂紛紛，我望見渠使手指撚起至大阿條（有拇指般粗細）送入白寡婦嘴裏。她嘴在動，身也在動。我企在他們上方的瓦頂他們一無所知，兩人發出的腥氣蓋過了煎魚的氣味，透過亮瓦升了上來，對付啯啲嘢，我隻有屙一泡尿……嘩嘩熱尿落在亮瓦上，我希望尿水打某個瓦罅漏下去，滴到表叔的光屎忽至好，但非我所願，尿水沿著一塊塊疊著的瓦片流到簷頭，滴入門簷的一口缸，缸裏種著幾樖細蔥，陣陣猛尿係飛來橫禍（人尿不稀釋，小蔥會被燒焦）。
兩人一點都沒覺察……
我打西門口瓦背頂跳到照相館銀行去公園雞蛋花樹，再搭乘玉蘭樹萬壽果樹馬尾鬆樹到橋頭最大阿樖榕樹上，一跳就落到縣二招瓦背頂，沿住火燒街竹器店米粉鋪同打鐵鋪我落到一樖苦楝樹上，當我彎下腰去執一粒苦楝子時，見到個男人駝住背在屋裏寫字，佢頭發長長似隻顛佬，佢寫啊寫，忽然抬頭向瓦背頂睇，我以為佢發現我，但冇係，我覺得係佢慣常啯姿勢。佢向頂上睇，又猛擰頭，之後佢就將紙撥一邊，企到木凳後頭踎起馬步。
佢一動不動，一鬱冇鬱，像屙屎，但顯然冇係屙屎，因為佢穿住褲。佢一動不動……我打瓦上行到隔籬做芥菜包隻鋪頭，見齙牙女人切鹹菜，廚房有冇有一碗白粥呢，白粥同鹹菜，啯兩樣天生絕配，我探頭望下底，望得自己有啲肚餓了。佢飯台堆滿別樣嘢：米粉、油渣、花生碎，仲有綠色芥菜葉。切碎啲鹹菜同花生、油渣撈一起，大海碗啾啾響，香氣升上瓦背頂，打瓦罅鑽入我鼻窿。佢使一隻小調羹裝啲啲，鼻屎大，放入米粉中間，撚圓，摣扁，使芥菜葉包好，一隻芥菜包就包好了。趁佢上煲蒸我趕緊行開，衫袋冇銀紙，我冇想畀齙牙女人斜我一眼，佢眼白仲大過雞蛋。
行過苦楝樹時我諗起陳地理，阿個踎住馬步啯男子佬，我打亮瓦向下望，佢仲像頭先時踎住馬步像屙屎。聽聞講，想做神仙可以噉樣企住半日一動不動，我冇知佢係顛佬係神仙。為弄清啯件事，冇事時徑我周時去佢瓦背頂，亮瓦下，佢啯簿寫了好幾本，紙越來越多，啲紙上印了一道道橫線，係啲表格。
佢使墨水筆在上頭寫啲蚊蠓大啯數字。蚊蠓飛舞，黑麻麻一片，我見到蚊蠓飛入佢頭殼。啯間屋冇似正常屋企，冇米缸尿缸，亦冇有掛在房梁，冇掛籃，有一部電話機，我兩歲之前見過電話機，不過好多事我冇記得了……電話?嘚?嘚響到震耳，佢講電話：“係，我係陳地理。哦哦，王經理，好嘅，我睇下，呢個，呢個。”放下電話佢有啲心煩，肯定係表上啯黑蚊蠓整佢頭痛，佢抌抌頭又抌抌腰，啯陣時我睇佢既冇似顛佬，亦冇似神仙，而像隻生病老嘢。
星期六我去睇了場《我們村裏的年輕人》，係學生包場啯。一出電影院門口我就以最快速度攀上縣二招門口阿樖大榕樹，沿馬尾鬆樹萬壽果樹玉蘭樹到木棉樹，我又到了俞家舍附近阿樖苦楝樹頂。
啱到佢瓦背頂，電就停了，周圍一片漆黑，連路燈都停了。我聞瓦背頂下底擦火柴，火水燈就光了。冇單隻火水燈發光，仲有碌亮光在角落喐住，一隻細火水爐，上麵坐一隻細銻煲，正煮住水，佢打床下底一隻紙皮盒拎出一嚿柚子皮，使水果刀，鎅成橡皮大就投入銻煲。
陳地理不與人同……梁醫生打把電筒入來，掅隻飯盒。但陳地理一啲都冇見歡喜，梁醫生打開飯盒，係韭菜炒鴨蛋。但陳地理巢眉頭，好似飯盒冇係韭菜炒鴨蛋，而係屎。我冇信，世界有人冇鍾意食韭菜炒鴨蛋，除非係傻佬，我見過西門口一隻顛佬執街上菜塞入嘴，冇分生熟，噍得像煎魚噉香……陳地理對韭菜炒鴨蛋的態度使我斷定：佢離真顛佬相去冇遠嘞。
……我聞渠問：我啯黃豆呢？炒黃豆？
廿幾年後我正聞講，陳地理啯時徑有精神分裂症，佢成日認為自己處於時間支流之中，要噍幾粒黃豆才返得回啯隻世界。後來佢著送去柳州精神病院。
亦係到阿時徑，我才第一次聽聞講，陳地理其實係我姨丈，亦係躍豆嘅姨丈，係遠嬋姨媽老公……十一姨梁遠照、四姨梁遠嬋同我阿媽梁遠美係疏堂姐妹，同一隻阿公……三十年間大家族啯關係在晦暗中，逃亡、鎮壓、入獄、受控製，最好歆隻人都無知同歆隻人有關係。我四十歲之前不知我十一姨、四姨都在圭寧，我以為親戚們或者遠走他鄉，或者不在人世。
……二十世紀六十年代我在瓦背頂望見陳地理台上啯簿同表格密密麻麻，阿上頭黑色蚊蠓打佢頭殼飛入飛出。有一次佢覘頭望瓦背頂，佢一定望見亮瓦上高兩隻眼，我聞叮一聲，我哋四目相對。佢一啲都冇吃驚，他向我笑一下，笑得像哭。
他說：“你好，外星人。”
我問：“咩嘢係外星人？”
“就係第二啲星球嘅人。”
雖然我有時徑都覺得天上高有可能有人，但打一個人嘴裏講出，我大大吃一驚。我鼻公緊貼住亮瓦，聽聞佢熱切講：在很遠很遠嘅天上，銀河之外，梗係有外星文明嘅。佢放入嘴一粒黃豆，噍過之後吞落喉，然後覘高頭向亮瓦問道：“你打歆隻星座來嘅？小犬座？定係天兔座？或者狐狸座，或者烏鴉座。”
佢又噍了一粒黃豆，“太遠了，肉眼根本睇唔到。”
佢喊我仰頭望天，睇一隻由七粒星星組成嘅匙羹，啯隻北鬥七星我兩歲就認得，就識，佢講啯隻就係大熊星座。佢繼續噍黃豆，“肉眼睇得見嘅星座都無人，有人嘅星座肉眼睇唔見。時間嘅支流……我知嘅，你喺打支流來嘅。”關於我逃學，渠講：“逃學不一定係壞事，關鍵要睇打歆逃去歆。”
阿日開始，我打瓦背頂啯瓦上落到佢窗口啯苦楝樹杈上。夏季晚間屋焗熱，但樹杈上有細風，我喊佢打窗口爬出，直接坐到樹上，啯隻半老嘢，佢聽我指揮，端一張凳擺好，一隻腳跨上窗台，另一隻腳踩在我幫佢踩低啯樹杈上，佢一上力，成個人就坐上苦楝樹了。坐定之後，佢講：“你好，烏鴉。”“我唔係烏鴉，我係小五。”佢打衫袋摸出粒炒黃豆俾我：“你好，小烏。”
我在樹杈上享用過佢韭菜炒鴨蛋、煎豆腐、花生米，亦享用佢同我夜觀天象時嘅胡言亂語，佢教識我八十八隻星座名，烏鴉的故事和雞蛋花的學名（雞蛋花，學名緬梔花，別稱印度素馨，屬夾竹桃科，全球約五十種）。當大豬賴勝雄大聲背誦“劈劈拍，劈劈拍，大家來打麥……”時徑，我背誦“北冥有魚，其名為鯤，鯤之大，不知其幾千裏也”；他們在朗誦《半夜雞叫》，我朗誦《赤壁賦》。他們打少年之家借閱《卓婭和舒拉的故事》，我讀一本豎排版繁體《紅樓夢》……
阿隻夏天，我在陳地理處接上阿婆啯啟蒙，我在樹杈上有一搭冇一搭跟住啲咬口句跳來跳去，我至鍾意阿啲——翼若垂天之雲的大鳥係我鍾意知啯，射日後羿、填海精衛、補天女媧，仲有《山海經》啯各種怪物，我鍾意知道。在公園雞蛋花樹啯粗大樹幹上，我使削鉛筆啯細刀仔雕了條有翼魚。我相信在十丈遠啯北流河裏就有啯種魚，佢哋在晚間浮到水麵，發出粼粼螢光。
仰頭望天，陳地理歎道：“而家嘅課本啊，實在係啊……”我睇佢發出嘶嘶聲，問佢係無係而家課文整佢牙齒痛。“係喎係喎，牙痛。”佢講可惜揾唔到先前啯國文課本，阿上頭有貓、狗、春天、紙鷂，啯啲圖係幾爽逗啯，豐子愷味道，就係童趣知無知……可惜呀，可惜，可惜冇畀我返學校教地理了。
大多數時候佢坐在靠窗書台。我提醒佢，將書台拖近啲更方便，一抬腿就跨上樹。我企在窗外底苦楝樹杈上。佢將梁醫生帶來啯飯盒舉在手上，有一啲炒燶啯花生米，或者煎到兩麵微黃啯豆腐餅，我睇住飯盒，大聲喊：“君不見，黃河之水天上來，奔騰到海不複回。君不見，高堂明鏡悲白發，朝如青絲暮成雪……”喊完了，佢就分我一粒花生米，有時兩粒。如果係三粒，佢就會派我去東門口雜貨鋪，幫佢打上二兩桂林三花酒。
半邊月亮打頭頂落到屋脊下，渠縮回窗子裏（多半他不在樹杈上，他本來就是坐在窗口的桌子上的），他摸摸口袋裏的黃豆，講一句莫名其妙的話：
“我睡在黃豆裏，晚安。”
我在瓦背頂同樹頂遊**時徑，圭寧啯天，大事細事冚冚過。有時徑，天空紫紅色，到處都係土高爐，難睇醜陋，凸凸啯土堆煙囪，噴出黑煙，光漫紅，雲反射，紅黃光映天映地。人麵都是紅黃色，地底燃，黑煙升上一片，今生前世，生或死，烏鴉鋪在天。
銅陽書院啯大木棉樹、大烏桕樹，河邊最大啯尤加利樹、西門口街巷啯大人麵果樹，街上鳳凰樹、古荔枝樹、大芒果樹、大榕樹，重重跌落地，變做劈柴，送入難睇醜陋土高爐，淤塞灶眼變作煙。
阿時徑，躍豆仲在渠阿媽肚裏中，渠通過臍帶，聞到古樹燒出啯火煙……佢出世幾個月，遠照姨母孭住佢，去民安公社大煉鋼鐵，同佢一同仲有兩個女同事，各人孭住自己啯細蝦仔……
1958年剩的大樹不到三分之一，我的空中路徑成日中斷……打西門口攀上一樖樹再冇直接到得龍橋小學，往時我攀上人麵果樹，半丈遠，就會有一樖玉蘭，玉蘭樹之後係木棉樹，木棉樹之後係苦楝樹、榕樹、萬壽果樹、龍眼樹、芒果樹、馬尾鬆樹……
我總要一再提到它們，它們曾是我腳下富有彈性的神奇道路，是深淺不同的綠色，或大或細的樹葉，時疏時密，光滑和粗糙的樹枝交替摩擦我的腳窩。